Close

1. März 2017

Beroopsweddbewarv van de düütske Landjugend 2017

Ein Artikel in Plattdeutsch “Berufswettbewerb der Deutschen Landjugend”

An de 15. Februar 2017 hebben sük all Schölerskes un Schölers van de Beroopsschool Wittmund ut dat Agrarrebett tosamenfunnen, un keken, wat se in hör Beroop al all kunnen. De verschedenste Upgaven harren se to maken. So mussen se en Deel Fragen ut dat Allgemeenweten un en Deel Fragen ut dat Beroopsweten beantwoorden. Daarna mussen se vör en Richtergremium vertellen, of dat good of nich so good is, dat dat „whatsapp“ gifft.

In de Warkstee van de BBS Wittmund mussen se wat repereren. Daar was en Stecker van en Peeranhänger ofreten, un de muss weer annanner baut worden.

Tolest mussen de Schölerskes un Schölers kieken un bestimmen, wat daar för verscheden Saadereen in Schalen utstellt wassen.

Na de Utwerten wurren de besten Dree mit heel moje Priesen uttekent. Nu mutten se bold na Rostrup un meten sük daar mit annern.

De Richters un de Mesters wassen heel düchtig tofree mit dat, wat de Schölerskes un Schölers leist hebben.

„Ji sünd mit heel Hart dorbi, un dat bruken wi in disse Beroop“, see Manfred Tannen, de Vörsitter van dat Landvolk Wittmund.

Wi bedanken uns, dat dat all so fein lopen is.

Übersetzung “Herbert Fuhs”