Close

Moin mitnanner

„Die Berufbildenden Schulen für den Landkreis Wittmund machen sich für die plattdeutsche Sprache stark”.

De Beroopsscholen för de Landkreis Wittmund

An de Noordseeküst van Neddersassen in de Stadt Wittmund sünd de Beroopsscholen för de Landkreis Wittmund.

De Waterkant vörlagert gifft dat de Oostfreeske Eilannen. Tüsken de Waterkant un de Eilannen liggt de Waddensee. In Juni 2009 hett de Unesco de heel Kuntrei van de Nederlannen bit na Dänemark to en Weltnaturarv verklaart, un för Düütskland as de „Nationalpark Niedersächsisches Wattenmeer“ kenntekent.

De Stadt Wittmund hett halverhands 21.000 Inwohners. De Landkreis Wittmund is een van de lüttjeste Landkreisen in Neddersassen. In de oostelk Part van Oostfreesland legen, hett Wittmund in Saken Kultuur un Traditioon heel vööl to beden. Boßeln un Klootscheten of Gröönkohleten un Sniertjebraa, dat un vööl mehr tekent Oostfreesland ut. Tosamen mit de Waddensee is Oostfreesland een van de mooiste Kuntreien van Europa.



Ruugweg 1800 Schölerkes un Schölers besöken de Beroopsscholen van Wittmund un worden in vööl verscheden Beropen utbildt. Se köönt daar de Hauptschoolofsluss kriegen, man se hebben ok de Kans, dat all noch beter to maken. Daar gifft dat de Fackhoogschoolriep un en Bült anner Kansen, um good för de Beroopswelt vörbereidt to wesen.

Lehrwichter un Lehrjungse ut de verscheden Beropen kriegen an uns School de Beroopsschoolabsluss un sünd allerbeste Facklüü för de Industrie un de Wirtschaft.

L Ö P P T 

Herbert Fuhs
(Plattdüütschberaader an de Berufsschool Wittmund)


Mehr Verwiesen

Mehr Verwiesen up Plattdüütske Sieden.