De Beroopsschool Wittmund hett bi de Aktion Septembermaant is Plattdüütskmaant mit en Priesraadsel för hör Schölerskes un Schölers mitmaakt. Herbert Fuhs, Plattdüütskbeupdraggte van de BBS, hett daarto Fragen över de Kuntrei Oostfreesland un hör Börgers stellt. De Fragen gaff dat över Iserv up Platt un natürelk ok up Hoogdüütsk. De SuS dürsen de Fragen runnerladen un sük tohuus van hör Ollen of Grootollen Stöön halen. De rechte Antwoorden sullen se up Plattdüütsk indragen. Dat Wark is heel good ankomen un wied över 300 Deelnehmers/kes hebben mitmaakt. Bi de Aktion hebben de SuS nu ok mitkreggen, dat de Oostfreeske Landskupp en digitale Woordenbook rutbrocht hett, dat Platt-WB.

Wunnerbaar, cool, hunnert … weren blot en paar Kommentaren van de Deelnehmers/kes. Lehrbedrieven ut de Kuntrei van Wittmund hebben de Aktion spontan mit Priesen unnerstütt, wiel de Spraak in hör Gewarken so wichtig is. Dat sünd de Bedrieven Alte Post in Ogenbargen, Big Ben in Wiesmoor, de Edekamarkt Ufken in Leerhaaf un butendeem Metallbau Janssen in Esens. De SuS hebben daar düchtig Applaus bistüürt.

De Schoolbaas, Christine Steinröder, weer düchtig blied, dat so vööl Lüü mitmaakt hebben un se wees up de Belang van de Plattdüütske Spraak in de Beropen hen.

Herbert Fuhs motiveerde in sien Anspraak de Winners vööl Plattdüütsk to proten/snacken. Se sullen nich bang wesen neje Ideen to proberen un sekerde hör sien Stöön to.

Platt löppt an de BBS Wittmund!